شبانگہِ سرما

رمل مربع سالم:

(فاعِلاتن فاعِلاتن)

یہ سکوتِ شب یہ سرما
چارو‌ں طرف یوں پھیلا

ہے کے ڈھانکتا چلا ہے
ہےجو کچھ بھی ڈھانکنے کو
توجو کچھ نہیں ڈھنکا ہے
سوسمٹ رہا ہے اس میں
ہاں شکستہ شور ہے یہ

یہ سکوت اک دوہر ہے
دوگراں رضائیوں کی
کہیں ان کے درمیاں ہی
سب ہوش اور جنوں سب
بس دب کے رہ گۓ ہیں
اوروقت جو رواں تھا
کہیں ا ن میں سو گیا ہے

‍

کوئي کفن کي مانند
گھبرارہا ہے اس سے
کچھ اس سفید رو کو
توپري سمجھ رہے ہیں

جو دلوں کی بے قراري
کونگلتی جا رہی ہے
یہ غذا ہو اس کی گویا

جو کفن سمجھ رہے ہیں
اس ماہ رو پری کو
یہ  طلسمي گڑیا ان کو
اب اور بھي ڈرائے
یہ سکوت سنسناہٹ

میں ٹوٹ ٹوٹ جاۓ

اور اندھیرے کو جگاۓ

وہ سیاہ فام سگ جو

اس آسماں پہ لیٹا

ہے جھٹ پٹےکے دم سے

اسے نیند آ گئي تھی

اب جیب کو نکالے

ہنکاریں بھرتا رہتا

ہے شب کی خامشی میں

پہ کہیں اندھیرے میں ہی

دو سیاہ سے کفن ہیں

گھبرائ سی لویں دو

تھرّا رہی ہیں ان میں

اس ادھ جلے دھویں سے

یہ سیاہ پڑ گئے ہیں

قندیل کے یہ شیشے

یہ لالٹین چاہیں

شفقت بھري چھون اک

جس سے سیاہی ساری

‏‎ان کی اترتی جائے

کہ دلوں کو جب جلائیں

کچھ روشني بھی جاگے

تھوڑی تپش رہے تب

 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

شہادت

بحرِ ہندی/ متقارب اثرم مقبوض محذوف:

) فعلن فعلن فعلن فعلن)

اس اک رب کے بندے تم ہو

جس کی نظر سے کچھ نا گم ہو

دیکھو اس کا حق نا کم ہو

تم یوں ہی مت مر کٹ جانا

اپنے موقف پر ڈٹ جانا

جلتا صحرا  سینے  پتّھر

واحد رب تھا  جس کے لب پر

اس  حبشی کو  دل میں رکھ کر

تم یوں ہی مت مر کٹ جانا

اپنے موقف پر ڈٹ جانا

کوئی ٹھاکر کوئی ریگر

کوئی جاہل بھیڑ کو لے کر

چھاتی اوپر چڑھ آئے گر

تم یوں ہی مت مر کٹ جانا

اپنے موقف پر ڈٹ جانا

ہاتھ کو جوڑے سسکی بھرتے

رحمت کی دوہائی کرتے

ظالم کے پیروں میں پڑتے

تم یوں ہی مت مر کٹ جانا

اپنے موقف پر ڈٹ جانا

رب کے بندوں غم  نا   کھاؤ

مرنے سے مت گھبرا جاؤ

حق کو باطل سے ٹکراؤ

تم یوں ہی مت مر کٹ جانا

اپنے موقف پر ڈٹ جانا

 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بیٹے کی وفات پر

یہ گریہ و زاری یہ ماتم ہمیں منظور نہیں

اس کو نا منظور سہی تو  ہمیں منظور نہیں

تو مہنّدِ مسلول تھا ہند میں لیکن بیٹے

ہاتھ تجھ بن کہیں اس کے تو مجبور نہیں

جو کوئی ہوش میں ہے ناخوش ہے

جو اس کی مستی میں مخمور نہیں

وہ جسے نہ ملا فردوس میں بیت الحمد

بس وہی ترے جانے پہ مسرور نہیں

بس وہی ہے جو ہے مالکِ یوم الدین

دارا و سکندر و قیصر و فغفور نہیں

جوں شہنشاہ اپنے شاہزادہ کو کھونے پہ رویا

یہ گداؔ تجھے کھونے پہ رنجور نہیں

 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

‍