ایلسا قاضی کی نظم:نیم ٹری" ترجمہ-سلمی جیلانی"

نیم ٹری

ایلسا قاضی

اردو ترجمہ :سلمی جیلانی

میرا پیارا نیم،

جو سورج کی جھلسا نے والی شعاعوں کو خود پر روکتا ہے،

پھر بھی سارا دن گرمی برداشت کرتا ہے۔

بارش کے تازگی سے بھری پھوار کے بناء

تیرے سکوں بخش سائے کی دل آویزی آوارہ گردوں کی بے چینی مٹا دیتی ہے

تم کتنے مضبوط ہو، کتنے بے خوف ہو،

اس سب کے باوجود تیرے پتے کتنے گہرے سبز ہیں۔

گرم دوپہر کے تند و تیز تھپیڑے جو لگتے ہیں ۔

تیرے غیر محفوظ سر پر………

کیا انسان بھی تیرے جیسا ہو سکتا ہے

فرش پر رہتے ہوئے خود کو بلند کرے ، دوسروں کو پناہ دینے والے بازو پھیلائے ہوئے

مصیبت زدوں کو

غم و اندوہ ، غریبی اور

برائیوں سے بچانے کو

قربانی کے ذریعے

کیا انسان ثابت قدم رہ سکتا ہے،

تیری طرح؟

ہر طرح کی تقدیر کا سامنا کرے ،

کیا یہ

زندگی کے بلند ترین خواب کی تکمیل نہیں ہو گی

میرا پیارا نیم!

۔۔۔۔۔۔۔۔۔