نذرِ ثَمینہ سَید

دیدبان ثمینہ سید نمبر

نذرِ ثَمینہ سَید

ڈھل گئی وہ شب کہ جس کی اب سحر آتی نہیں

ہو گئی رخصت جو اب پھر لوٹ کر آتی نہیں

ڈھونڈتی ہے اب تمہیں یہ بزمِ یاراں ہر جگہ

پر تمہاری اب کہیں سے بھی خبر آتی نہیں

وہ جو تھی پابندِ فن اور صاحبِ فکر و نظر

اب کسی صورت بھی وہ پیشِ نظر آتی نہیں

لفظ روتے ہیں، قلم حیراں ہے، کاغذ منتظر

شعر کی محفل میں اب وہ خوش ہنر آتی نہیں

یاد کے رستے پہ اب بھی منتظر ہیں سب چراغ

وہ جو تھی اک شمعِ محفل لوٹ کر آتی نہیں

بزمِ دانش میں جو چھائی ہے اچانک خامشی

کوئی بھی اب صورتِ لعل و گہر آتی نہیں

یاد سے جس کی مہکتے تھے شب و روز و سحر

اب وہ ہستی خواب بن کر بھی ادھر آتی نہیں

ہم کہاں ڈھونڈیں تمہیں اب، اے ثمینہ سید

اب کہیں بھی تری صورت تو نظر آتی نہیں

اک کسک محسوس کرتا ہے شعیبؔ اب رات دن

راحتِ جاں بن کے وہ اب چارہ گر آتی نہیں

شعیب_الحسن_بوسال

13'اپریل 2026ء