غزل: ڈاکٹرذکی طارق

Sep 25, 2023

مصنف

ڈاکٹر ذکی طارق

دیدبان شمارہ مئی تا اگست

ڈاکٹر ذکی طارق ۔ انڈیا

غزل

جینے کی مکاری سیکھ

کچھ تو دنیاداری سیکھ

ربط بڑے لوگوں سے رکھ

تھوڑی سی عیاری سیکھ

شام سویرے حاضری دے

آداب درباری سیکھ

نادانی ہے اچھا وار

ضرب لگانا کاری سیکھ

رشتے رکھ نقادوں سے

کچھ گڑ کاروباری سیکھ

شعر و ادب سب کاروبار

تو بھی سخن بازاری سیکھ

کون سنے گا اچھے شعر

پڑھنے کی فنکاری سیکھ

کچھ بھی نہ دیگا شعر کا فن

کوئ ہنر معیاری سیکھ

باتوں کو تہ دار بنا

کچھ تو ذکی ہشیاری سیکھ۔

۔۔۔۔۔۔۔۔۔۔۔۔۔۔۔۔

خریدیں

رابطہ

مدیران دیدبان

مندرجات

شمارہ جات

PRIVACY POLICY

Terms & Conditions

Cancellation and Refund

Shipping and exchange

All Rights Reserved © 2024