‍

رہگزر رہگزر

‍

سامنے حد نظر

رہگزر رہگزر

دشت تپتی سی ہے

دشت ویران بھی ہے

نہ ہی منزل کا نشان

دشت بےجان بھی ہے

دشت سخت بے رحم

پھر بھی ٹھہرینگے نہ ہم

چڑھتی دریا کا بھنور

تیز ہر لہر مگر

کشتیاں ٹوٹ چکیں

ہے یہ دشوار سفر

ایسی باتوں سے نہ ڈر

موج در موج اتر

ہان مخالف ہے ہوا

پھر بھی نہ سر کو جھکا

مشکلیں لاکھ سہی

اب تو بس چلتا جا

دیکھ نہ گرد سفر

جاری رکھ اپنا سفر

سامنے حد نظر

۔۔۔۔۔

‍

لال سلام

جو شام سویرے کھیتوں میں

تن من کی محنت بانٹے گا

جو دست،دشت کو سینچے گا

وہ دست،فصل بھی کاٹے گا

جو گرمی کی دوپہری میں

کھیتوں میں خون،جلاےگا

جو شیت لہر میں ننگے تن

مٹی میں حل کو چلاۓ گا

جو دہقاں موسم پرکھے گا

جو دہقاں بیج کو بوۓ گا

جو فصلوں کی رکھوالی کو

راتوں کو کھیت میں سوۓ گا

جو بنجر مٹی کی قسمت

اتنی محنت سے بدلے گا

وہ دہقاں کھیت بچانے کو

بندوقوں سے بھی کھیلے گا

ڈاکٹر ارشد حسن

‍