تنویر قاضی کی نظمیں
تنویر قاضی کی نظمیں
Mar 24, 2018
سمندر کے قیدی اور دوسری نظمیں
دیدبان شمارہ۔۷
١.
سمندر کے قیدی
۔۔۔۔۔۔۔۔
تنویرقاضی
ریکٹس کی سٹروکس سے زخمی
لان کے اندر اور باہر
بکھرے ٹینس بال
لارڈز کی ہار جیت کا اعلان
سننے کو کان لگائے مستعد تھے
گاوں، آنکھیں اور خواب
ایک ساتھ جلے ہیں
اچانک وہ
چاروں اطراف سے پانیوں میں گھِر گئے
ترقی یافتہ ملکوں کی نمائیشی کشتیوں میں
کئی راتوں کے جگراتوںکی
اذیت میں ہیں
خشک زمین کا کوئی قطعہ
انہیں قبول کرنے کو تیار نہیں
لا متناہی جل میں سے
سر اُٹھاتے مگرمچھ
اُ ن کی جانب بڑھ رہے ہیں
فلکِ پیر پر چھایا دُھواں
زمینی زعماء کے سگاروں میں جلتے تمباکو کا جھاڑن
پناہ گزینوں کے آدرشوں کے آگے
دبیز دُھند بنا رھے ہیں
بلیک ھول سی کالک تھوپے دل
کتنے بھی ھو جائیں تاریک
اپنے ہی شہروں میں
خانہ بدوش ھو جانا
قسمت کا لکھا
کیسے مان لیا جائے
تنویرقاضی
تنویرقاضی
میلہ گھومنے والے
۔۔۔۔۔۔۔۔۔۔۔
تنویرقاضی
میلہ گھومتے ھوئے
وہ گُم ھو جاتے ہیں
ابھی تک
گھر تک نہیں پہنچ پائے
پنگھوڑُوں کے ساتھ
اُوپر نیچے ھوتے
بے ھنگم گانے سُنتے
کھلونے دیکھتے
چار آنے پاس تھے
جن کا مرُونڈا ، جلیبیاں کھاتے
اور بنٹے والی بوتلیں پیتے ہیں
عید گاہ میں لگے
میلے کی چکا چوندھ میں
رنگین گیسی غُبارے
جب چھُوٹے
اُنہیں ساتھ جاتے دیکھا گیا
وہ اب جبری نیلاھٹ کا حصہ بن گئے ہیں
جن کی آنکھوں کے تارے تھے
وہ ان کو
گلیوں ، بازاروں ، سڑکوں ، درگاھوں
دُور اُفتادہ جگہوں پر
تلاش کرتے ہیں
آسمان پر کسی کو شک نہیں ھوتا
تنویرقاضی
----------------------
. نہیں ممکن کہ مانجھی سے ستارہ دوستی کر لے
ہنسے اتنا
نئی کشتی
پُرانا شوق
دل میں پال رکھا تھا
گلے مل کر خوشی سے
درد کرتے جسم
اک دوجے پہ گرتے تھے
پھر اُس پاداش میں روتے رہے پہروں
خریدی تھی وہ ناو
رھن رکھ کر خواب
پائیں باغ بیچا
خاک چھانی اور دریوزہ گری کی
سارباں
ساحل کی ٹھنڈی ریت پر شب کو گواہی دے
ھمارے ہاتھ کانپے دستخط کرتے
وہ دستاویز
اُترتا رنگ و روغن
گوشواروں کے اثاثوں کا
اِدھر چہرے اُترتے تھے
مچھیروں اور ملاحوں کے آبائی گھروں پر مشتمل
اوجھل ھوئی
بستی میں جاناتھ
بُجھی مشعل
سیہ آندھی ، مسافت اور
اندھیرا در اندھیرا
کرتے تھے پیچھا ، مگر مچھ
اک صدا دیتے
نہیں ممکن کہ
مانجھی سے
ستارہ دوستی کر لے
تنویرقاضی -
دیدبان شمارہ۔۷
١.
سمندر کے قیدی
۔۔۔۔۔۔۔۔
تنویرقاضی
ریکٹس کی سٹروکس سے زخمی
لان کے اندر اور باہر
بکھرے ٹینس بال
لارڈز کی ہار جیت کا اعلان
سننے کو کان لگائے مستعد تھے
گاوں، آنکھیں اور خواب
ایک ساتھ جلے ہیں
اچانک وہ
چاروں اطراف سے پانیوں میں گھِر گئے
ترقی یافتہ ملکوں کی نمائیشی کشتیوں میں
کئی راتوں کے جگراتوںکی
اذیت میں ہیں
خشک زمین کا کوئی قطعہ
انہیں قبول کرنے کو تیار نہیں
لا متناہی جل میں سے
سر اُٹھاتے مگرمچھ
اُ ن کی جانب بڑھ رہے ہیں
فلکِ پیر پر چھایا دُھواں
زمینی زعماء کے سگاروں میں جلتے تمباکو کا جھاڑن
پناہ گزینوں کے آدرشوں کے آگے
دبیز دُھند بنا رھے ہیں
بلیک ھول سی کالک تھوپے دل
کتنے بھی ھو جائیں تاریک
اپنے ہی شہروں میں
خانہ بدوش ھو جانا
قسمت کا لکھا
کیسے مان لیا جائے
تنویرقاضی
تنویرقاضی
میلہ گھومنے والے
۔۔۔۔۔۔۔۔۔۔۔
تنویرقاضی
میلہ گھومتے ھوئے
وہ گُم ھو جاتے ہیں
ابھی تک
گھر تک نہیں پہنچ پائے
پنگھوڑُوں کے ساتھ
اُوپر نیچے ھوتے
بے ھنگم گانے سُنتے
کھلونے دیکھتے
چار آنے پاس تھے
جن کا مرُونڈا ، جلیبیاں کھاتے
اور بنٹے والی بوتلیں پیتے ہیں
عید گاہ میں لگے
میلے کی چکا چوندھ میں
رنگین گیسی غُبارے
جب چھُوٹے
اُنہیں ساتھ جاتے دیکھا گیا
وہ اب جبری نیلاھٹ کا حصہ بن گئے ہیں
جن کی آنکھوں کے تارے تھے
وہ ان کو
گلیوں ، بازاروں ، سڑکوں ، درگاھوں
دُور اُفتادہ جگہوں پر
تلاش کرتے ہیں
آسمان پر کسی کو شک نہیں ھوتا
تنویرقاضی
----------------------
. نہیں ممکن کہ مانجھی سے ستارہ دوستی کر لے
ہنسے اتنا
نئی کشتی
پُرانا شوق
دل میں پال رکھا تھا
گلے مل کر خوشی سے
درد کرتے جسم
اک دوجے پہ گرتے تھے
پھر اُس پاداش میں روتے رہے پہروں
خریدی تھی وہ ناو
رھن رکھ کر خواب
پائیں باغ بیچا
خاک چھانی اور دریوزہ گری کی
سارباں
ساحل کی ٹھنڈی ریت پر شب کو گواہی دے
ھمارے ہاتھ کانپے دستخط کرتے
وہ دستاویز
اُترتا رنگ و روغن
گوشواروں کے اثاثوں کا
اِدھر چہرے اُترتے تھے
مچھیروں اور ملاحوں کے آبائی گھروں پر مشتمل
اوجھل ھوئی
بستی میں جاناتھ
بُجھی مشعل
سیہ آندھی ، مسافت اور
اندھیرا در اندھیرا
کرتے تھے پیچھا ، مگر مچھ
اک صدا دیتے
نہیں ممکن کہ
مانجھی سے
ستارہ دوستی کر لے
تنویرقاضی -