دیدبان شمارہ۔۷

غزلیں

صابر ظفر

1-

بےزبانی کو نطق - مسیحا نہ دے

 زینب - بے ردا چپ ہے خطبہ نہ دے

ایک عریاں وجود ، ایک بےجاں وجود 

 پھربھی شکوہ کہ ازن - تماشا نہ دے،

انتہا جبر کی ، انتہا صبرکی 

آخریسانس کو بھی سنبھالا نہ دے

زندگی بے شناخت ایک ننھیپری 

کوئیآنکھیں نہ دے ،کوئی چہرہ نہ دے

اب صف - دشمناں بڑھ کے چیروظفر،

یہ

زمانہ تو جینے کا رستہ نہ دے،

صابر ظفر

 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

‍

2-

ایسا نہیں کہ میں تری خلوتمیں کم رہا، 

 لیکنکچھ اس طرح رہا جیسے عدم رہا،

میں سانس لے سکا نہ کوئیاپنے واسطے، 

 بھرتارہوں دم اس کا ، بس اتنا ہی دم رہا،

سمو کی سمت جاتا تھا جس طرحتوکلی، 

 میںماوراۓ قریہ ء دیر و حرم رہا،

پہلے رہا یہ غم کہ نہیں عشقکا خمار

 اورپھر خمار - عشق اترنے کا غم رہا،

دست - طلب دراز نہیں کر سکاظفر 

ہاتھوںکی انگلیوں میں عجب پیچ و خم رہا

..............................

صابر ظفر

3 -

آخری گفتگو الوداع 

ابنہیں مجھ میں تو ، الوداع

کنج - خلوت میں خوش آمدید  

دہرکے روبرو الوداع

مجھ رفو گر سے مت چھین دل 

 ہوچکا جو رفو الوداع

ڈوب دیکھا تری موج میں  

توہے خشک آبجو الوداع

میں ھوں زرخیز رت کا نصیب  

موجہء بے نمو الوداع

ایک دوست آ رہا ہے قریب 

 اےفراق اے عدو الوداع

آخرت بھی تو ہے اک خمار

توڑتا

ھوں سبو الوداع

میں جہاں تھا وہیں ھوں ابھی  

اورتری آرزو الوداع

مرگ آثار سانسیں ظفر 

 اکصدا چار سو الوداع

........................

صابر ظفر