خلعت اقتدار قرمزی آنسوؤں سے رنگیں

خلعت اقتدار قرمزی آنسوؤں سے رنگیں

محل کے پہلو میں آہوں کی تدفیں

کیا عجب

اب کی بہار

اس زمیں سے کونپلیں جو کھلیں

ہر پتی کی دھار ہو تلوار سی

ہر پودا مثل سنگ

ہر سمت ہوا کی لپٹ میں تپش

ہر بویا ہوا ستم نمو پا جاۓ بد دعا کی طرح

خلقت چہرے بدل جاۓ ادھورے سچ کی اوڑ

یہ مٹی سیم اٹھاۓ فصل گل کی طرح

پست ارادوں کی بھینٹ چڑھے وعدوں کی طرح

زرد دن اترا ہے اس بار

شکست آرزو کی طرح

صدف حماد