ثمینہ سید

کہا تھا تم نے

ابھی بہت سے ہیں کام باقی

ہیں میرے زمہ

مسودے کچھ پڑے ہوئے ہیں

کہانیوں کے

کئی مضامین ہیں ادھورے

کئی مقالوں کی اختتامی سطور فرصت کی منتظر ہے

غزل کے مصرعے تو اسپتالوں کے راستوں پر بکھر گئے ہیں۔

طرح طرح کے یہ ٹیسٹ میرے بدن کو بے وزن کر رہے ہیں۔

بتایا تھا تم نے ایک میسیج میں

میری آنکھوں کو دوہری شکلیں دکھ رہی ہیں

میرے بدن پر یہ چڑھنے والا غلیظ کیمو

اذیتوں سے بھرا ہوا ہے

نچوڑ لیتا ہے ساری قوّت

سہیلیوں کی،،، تمام احباب کی محافل سے دور ہوں میں

شوال بیٹی ہے سایہ بن کر قدم قدم پر ۔۔۔

پتہ نہیں کب یہ ٹوٹ جائے گا سانس بندھن

ثمینہ سید

تمہاری قسمت میں مغفرت والا عشرہ آیا

دعا ہے ربِ کریم سے کہ تمہیں وہ بخشے۔

میں گیلی پلکیں جھکائے آمین کہہ رہا ہوں ۔

دلشاد نظمی ۔رانچی,انڈیا

8709966321