دیدبان شمارہ۔۷

نعت ِ رسول ِ کریم صلی اللہ علیہ وآلہ وسلم

شاعر : عرفی ہاشمی

 ------------------------------------------

قدرت_ فن سے ہے ممکن' نہ ہنر ہے مرے دوست 

نعت کا ہونا تو آقا کی نظر ہے مرے دوست

آخری حد تونہیں آیت _ معراج _ رسول 

یہ محبت میں ابھی پہلی خبر ہے مرے دوست

تیری خواہش تھی کبھی جھک کے فلک کو دیکھے

 آ جا اب سامنے سرکار کا در ہے مرے دوست

جب سے سرکار سے ملنے کا ملا ہے پیغام 

تب سے یہ جسم فقط دیدہ تر ہے مرے دوست

پا ر سدرہ کے ادھر پہنچے ہیں نعلین_ حضور

اور جسے کہتے ہیں جبریل‘ ادھر ہے مرے دوست

طے مدینے کی مسافت ہو ضروری تو نہیں

 یہ تو انسان کے اندر کا سفر ہے مرے دوست

جس کو آنا ہے مدینے وہ نجف سے آئے 

علم کے شہر کا بس ایک ہی در ہے مرے دوست

وہ جو دوزخ کو بھی فردوس بنا سکتی ہے

 صرف سرکارِدوعالم کی نظر ہے مرے دوست

--------------------